نقطة : تلك الأيام...

النهار نهار والليل ليل، بس القمر صار أقمار، والقلم صار زرار، والعمامة صارت غترة، والقفطان صار دشداشة، والخمار صار نقاب، والكحل صار مكياج، والحصان صار سيارة، والجمل صار قطار، والحمام الزاجل صار إيميل، وسوق النخاسة صار مكاتب خدم، والوالي صار وزير، والمرسال صار نائب، والبهلول صار مفكر، والعسس صاروا شرطة، والسيف صار مسدس، والمنجنيق صار صاروخ، والشِّعر صار نثر، والثريد صار تشريب، والنبيذ صار لبن، وهوازن وغطفان وعبس صاروا عتبان ومطران ورشايدة، وقريش صارت غرفة تجارة، والكفار صاروا مسلمين، والمنافقين صاروا مستشرفين، والدين صار مذاهب، والربا صار مرابحة، والخيمة صارت بيت، والخلاء صار تواليت، والنار صارت نفط، والبير صار تنكر، والشاعر صار فاشنستا، والسوق صار مول، والذهب صار فلوس، والدرهم صار دينار، والروم صاروا أميركا، والفرس صاروا إيران، والليل ليل والنهار نهار، وما شاالله كل شي تغير بس ما تغير شي.