درايش : أعزائي الطلبة... انتخاباتكم متخلفة!

ما أدري هالعادات هذي دخيله

وإلاّ التخلُّف تنخلق فيه عادات؟!

إش دخّل "الطالب" بفزعة قبيله

وشْ دخّل العلْم وصروحه ب"شيلات"؟!

أذكر دَرَسْنا... والنسايم عليله

كان "الفكر" معيار أي انتخابات

وأذكر دَرَسْنا وانتهينا بحصيله

(دفتر بلد)... وحَّد كثير اختلافات

وأذكر "قوائم" كل لون وفصيله

بس ما تشب النار وتعيد ما فات

مفارقه... "الميديا" بأحدث وسيله

فيها العقول تعيش عصر الجهالات!

"رِدَّه"... وردّينا الدروب الطويله

يا الله لا تبْعد علينا المسافات