تصدقون... دمعت عيني
![د. ناجي سعود الزيد](https://www.aljarida.com/uploads/authors/24_1666205156.jpg)
أنا شخصياً...ما كسرت خاطري الحكومة... ولا كسروا خاطري المواطنين...اللي كسروا خاطري هالمساكين، وتصدقون دمعت عيني، وخايف عليهم من الجوع والعطش... وراح أتبرع لهم بنص راتبي، لعل وعسى تستعدل أوضاعهم!تصدقون كل اللي باجي لهم من الميزانية 30 مليار فقط، صج يكسرون الخاطر والله يعينهم، وأعني تجار المناقصات وأصحاب المشاريع... ولا دولة صغيرة وعدد سكانها قليل دخلها 66 مليار تنتهي بعجز؟!ما أدري... بس واضح من خراب مشاريع مثل مدينة صباح الأحمد وخرير جامعة الشدادية وهالطرق (اللي يالله من فضلك) مكسرة ومحفرة ووسخة من أول الكويت إلى آخرها... هذا غير المشاريع الأخرى اللي ما اكتملت!المهم والأهم في الميزانية أن ميزانية التجار إياهم بخير!أما عجزنا إحنا المواطنين ترى حقيقي مو وهمي، والحكومة تبينا نعوض هالمساكين أصحاب المناقصات اللي باجي لهم 30 مليار فقط!