درايش : «الولاية الصحية» للرجال فقط!!

من صجكم؟! في القرن واحد وعشرين

وتناقشون "المنع" وإلّا "ولايه"؟!

يعني الطفل يحتاج تحضير ثنتين:

الأم والخاله... "بغرفة عنايه"؟!

أو ينطر اللي ما درينا إهو وين؟

يمكن "فَحَلْنا" يرد عقب النهايه!!

يا مضيعين الوقت من أمس للحين

ترى اللعب مكشوف... بسْكم كفايه

هروب هذا عن قضايا المساكين

وإشغال كل الدار بأبسط حكايه

روحوا وشوفوا "العجز" وين الملايين

وشوفوا الجليب اللي نشف وين مايه؟!

شوفوا النفَس ضايق بكل الميادين

وكلماتنا صارت عليها وصايه!

واللي أخذتوا "صوتها" من أربع سنين

مفروض هي تاخذ عليكم "ولايه"

رايات "للمرأه" بكل البلادين

وانتم تعلچون الحچي من البدايه!