كتاب شفيق الغبرا

خذ كتابك بقوّه وارفعه في يمينك

وامسح غبار طايح من كلام "اليمين"

لك نجومٍ تعلَّت ساطعه في جبينك

وفي ظلام الليالي لك قمْرا تبين

القلم في زمانك وافيِن لك يعينك

والحبر نبع صافي بالفيافي معين

لا تساءل عن اللي كان همّه يدينك

وانت دينك وضوح ومبدأك صار دين

ومن بنى سور واهي بين دارك وبينك

ما درى أن المحبّه جارفه كل طين!

فتّشوا بالمعاني وما لقوا في إيدينك

غير "سِفْر البطوله" بماضيات السنين

الوطن فيك ساكن بين رمشك وعينك

والحچي والوشايه عادة المفلسين