درايش : عن سؤال: (من أين لك هذا؟!)

من القصيد اللي نزل كالغيم في أول وَسِم

من عشب في صدري صَعَد چنّه يدوّر عن سما

من فكره منسيّه اطْلَعَت في البال مرسومه رَسِم

بنتي بديارفها الفرح " كالغيث إذا الغيثُ همى"

وطيّاره طارت من ورق من إيد طفل ويبتسِم

يرجع ويغمس ريشته ويرسم على سور الحمى

من نسمه إن هبّت علَيْ حسّيت قلبي ينقسم

من ورده تسأل عن غصن: مرّت فصول وما نمى!

من شي يكتبني ولا أدري ولا له أي إسم

كالظل يتبع خطوتي وإن بانت شموسي انعمى

من كل هذا اللي يحن بالروح واسمني وسِم

أكتب وأفيض وأمتلي وإن غاب أموت من الظما