عطسة في وجه العام 2020
نشر
في 11-03-2020
آخر
تحديث 11-03-2020 | 00:19
رقمك حلو يا عام عشرين... عشرينوفعلك من أول يوم كلّه بلاوي ماصدِّق أبراج الفلَك والموازين لكن أظن أحيان تصدف هقاوي وبعض الكتب مضمونها بالعناوين وعنوان أيامك مثل ذيب عاوي بين "الكورونا" واعتلال المساكين وبين السياسه واللعب والغطاوي وبين النوايا وبيّتوها من سنين وبين الخفايا ونجمها اليوم ضاوي وبين "اللجان" اللي تشكّل بيومين تنظر ب"دستور" العدل والتساوي! والعيب مو "دستور" والا قوانين العيب باللي فرّغه وصار خاوي يا عام ما مرّت لياليك شهرين إلا وجميع الناس تبدي الشكاوي شللي بقى؟ وشللي تخلي لبعدين؟ خل للشهور الباقيه إن كنت ناوي لا تقول حالك زين ماني انا زين يا دوب في دربي أشيل الخطاوي ماهي "كورونا" بس من وضعنا الشين أسمع صدى بالروح چنّي خلاوي
