درايش / الكتابة في زمن الكورونا: غيمة الشباب المتطوعين

من تطوَّع...

يعني في عز القوايل هو لنا نسمة ربيع

المتطوِّع...

هو كريم الروح متفاني وسامي

و"الأنا" عنده عظيمه ذايبه بذات "الجميع"

هالشباب اليوم غيمه

في ربوع الدار دارت

إمطري صوب الشمال... تروح تمطر

وإمطري صوب الجنوب... تروح تمطر

وإمطري "داخل" و"خارج"... تكسر السور الوهَم... وتروح تمطر

إللي لأمر الحب شفقانه شتبي الأم الحنونه

وتقرا في النظرات - من دون الكلام- وتنحني، تلبّي، تطيع.

وينك إللي تدّعي وقت الرخا في الناس حبها

وانت بنصاف الليالي

تشتري فيها وتبيع؟!!