درايش : «الدولة العميقة»... اش عمقها؟!

لعنبوكم انطروا "الأزمه" تعدّي

بعْدها كل ذيب يركض في نصيبه

صالخين الجلد في الوقت المصدّي

شامّين الدم في الجثّه الرطيبه

هذا كتف وذاك سكينه معدّي

قبل م تْذَكّونها... راحت نهيبه

قلت ليش وقال لو جاوزت حدي

ما لقيت بيوم للقانون هيبه

أي وزير تشوف يا ابن الناس قدّي

ونا فوق الناس ساحاتي رحيبه؟!

والا شيخ يصير في مشروع ضدي

أنا شيخ المال... أرسم له مصيبه!

قلت هدِّي... حنّا في أزمات... هدِّي

أنت ياللي ماكل اللقمه الغبيبه

بس تكفا... خل هاللحظه تعدّي

لمّا نلقى للمرض هذا طبيبه