الوقت بيدك رتّبه في مزاجك

مرّه قصيرْ اتحسّه ومرّه طويل

Ad

الوقت فيك، ورغبتك، واحتياجك

وإلا اهو ماله شغل، نهرٍ يسيل

وبحرك ترى ما هاج بك، شي هاجك

لكنّك تدوّر عن العذر البديل

صارت 10...وإلا 12... لإنفراجك

مفتاح سجنك لا انوِزَن يصبح ثقيل!

الحسْبه هي كل السبب في انزعاجك

عينك تخلّي للعقارب ألف ذيل

بَر الزمن من ضيقتك وابتهاجك

وانسى نهار.. وليل.. ونهار.. وليل

وارسِم شموسْ وطفها في مزاجك

حتى ولو خطّك على الصفحه يميل
وضّاح الكويت فيروس كورونا