درايش: تحقيق مع النائب البنغالي

- منهو ربعك؟

- ضابط وعضو ووزير

- واللي شارك؟

- والله ناسيهم كثار

- واللي زوّر؟

- واحد كويتي مدير

- ومن ختم لك؟

- فيه نفر داخل مطار

- واللي يقبض؟

- مثلك كويتي كبير

ما هو من كيرلا ولا من زنجبار

- ومرتشينك؟

- ناس من ربعك كثير

- انت خايف؟

- ... ولا چنّه شي صار

- شنو يعني؟

- ما يخاف إلا الفقير

في بلدكم أنا كل ربعي كبار

- فيه قضيّه

- بابا كل شي ما يصير

باجر تشوف الملف رفرف وطار

- اعترف لي

- معترف بأوّل وأخير

أدري في هذي البلد ماكو قرار

- فيه أدلّه!

- بابا لا تحقّق كثير

لا تكثّر من ورق تاليه نار

- إختم أقوالك

- مثَل... قاعد يصير:

انت "ماسك بردعه وناسي الحمار"!