اعصرونا والسعر في السوق نار وكل بضاعه ترتفع ليل ونهار وقالوا "شدوا الأحزمه" ويصير خير واحنا "شدّينا"... ولا أي شي صار! "حارس القلعه" يراكض الله خير سوّى نفسه ما درى باللي يصير ما يهمه لا انهبوا جيب الفقير ما يبي يزعّل هواميرٍ كبار قلت وينه ما يصرّح ما يقول قالوا ايفكِّر تفاكير وحلول ادع ربك إنّه هالغيمه تزول والوزير بيوم يطلع في قرار قلت زادوا بالسعر كل "المواد" واقتصاد السوق ما مثله اقتصاد قالوا خذها يا مواطن بالركاد الوزير أيام ويصدّر قرار قلت سوق ومنعدم فيه الرقيب والمواطن كالحطب وسط اللهيبقالوا انطر لا تعجّل يا الحبيب الوزير ايخطّط ويرسم قرارقلت ذبنا عند كاشير الحساب ودقّة "الباركود" زادتنا عذاب قالوا مؤمن واحتسبها لك ثواب الوزير يحب يدرس كل قرار قلت باجر ناظره ماهو بعيد أدري بتقولون هالعذر الأكيد: الحكومه شكّلوها من جديد والوزير انشال من قبل القرار!
أخر كلام
درايش: الغلاااااء يا وزير التجارة!
29-06-2020