يا مدّعين الوِد... تطلب فلسطين

منكم على هذي المحبه دلايل

Ad

بالأمس "ضم القدس" في رمشة العين

واليوم للتطبيع نخلق وسايل!

أعدل قضيه واضحه بالموازين

يا مضيعين الدم بين القبايل

ما نتبع لمشروع كوشنر وكوهين

اللي مشوا دربٍ عن الحق مايل

واللي خلط لعب السياسه مع الدين

اش دخّل "التشريع" في هالحبايل؟!

ويا ماسح الفتوى ببلاط السلاطين

ما تنقبل فتواك في حبر سايل

"نجنح لها"... لكن لـ 67

"للدولتين"... وما نبدّل بدايل
وضّاح الكويت