مرّيت في سود الخواطر وصدّيت

ووصّيت ضلعي يرفع الدرع دوني

Ad

لا فكني درْعي ولا نا تقاويت

يوم السهم سِنّه انغرس في متوني

أبْديت في لحظة صبر غير مَ اخْفيت

ونا الخراب وهاوياتٍ اركوني

آخر حصوني... يوم راحت تهاويت

وين الجيوش اللي احلفوا يسندوني

إللي لها ب"طول العمر"كم تمنّيت

لوني بعيد امكلّفه في ظعوني

يسترّ خاطرها إذا يوم مرّيت

ويشين خاطرها إذا كدّروني

وبالطول تشبرني بشبر لا تعلّيت

من خطوتي الأولى اتحرّا مزوني

ظنّيت... وأحكام الزمن غير "يا ليت"

إنها تشوف اللي انخلق مثل لوني

وحسّيت بجيوش الزمن كالطواغيت

ما هُم على كيفي ولا مكّنوني

ويا بيت لا غاب الضوا صرت مو بيت

لوحه... وعنوان انكتب في عيوني
وضّاح