نجوم الفن يهنئون فيروز بعيد ميلادها الـ 85

وجّه مجموعة من المشاهير تهانيهم ومعايداتهم للسيدة فيروز، بمناسبة عيد ميلادها الـ 85، ومنهم الإعلامي اللبناني ريكاردو كرم، الذي كتب:

«ع شــمالك في دكــانة بتبيع مغازل صـوف

بنت بتقعد سـهيانة تنطر تيجيها ضيوف

حلوة والخصر بيلوي وما بتعرف إنّها حــلوة

لا تفوّقها على حالها بلكي اشــــغلت لها بالها.

فيروز تطفئ شمعتها الخامسة والثمانين... عقبال المية!»

وكتبت الممثلة اللبنانية ماغي بو غصن: «ابتديت مشواري الفني بالغناء... كان عمري عشر سنين... اشتركت ببرنامج على تلفزيون لبنان، وربحت الميدالية الذهبية. غنيت للسيدة فيروز بكل المراحل... من أنا وصغيرة بعشقها... كانت وبعدا رفيقة يومياتي».

كما كتبت: «عيد ميلاد فيروز... عيد سفيرتنا إلى النجوم. العمر كلو بالصحة يا فخرنا. يا رب لبنان يرجع متل الأمل بأغانيكِ».

ونشرت ملكة جمال لبنان السابقة، نادين نجيم، صورة لفيروز وكتبت تعليقاً: «فيروز... ٨٥ سنة وبعدو صوتك بيعطينا راحة وحنين للبنان وفرح وين ما كان هالصوت. انت قلتي: في أمل؟ وأنا معك: إيه، في أمل».

في حين كتبت الفنانة اللبنانية يارا: «صباحنا فيروزيّ بامتياز»، وأرفقت الجملة بقلب.

وكتب الممثل اللبناني إيلي شالوحي: «عيد فيروز هو عيد لبنان الحقيقي للي بيجمعنا كلنا بلا فوارق»، أما اللبناني عامر زيان فكتب: «فيروز هي لبنان الحلو، لبنان الحر، وللي بيشبهنا كلنا، الله يطول بعمرها».

وقالت باسكال مشعلاني لفيروز: «انت صورة لبنان يلي منشوف حالنا فيه».