درايش: نحتاج كتّاب اجتماع أكثر من حاجتنا إلى سياسيين

من بعَد "خلدون"* ما فيه "اجتماع"

منهو يكتب هالتحوّل في دراسه؟!

مجتمع فيه الظواهر باندفاع

ما لقى من يكتبه ويحفر أساسه

منهو يشرح ليش تغيير الطباع

جيل صاير مغترب ما بين ناسه؟

فيه فراغ... ومنكسر ذاك الشراع

يوم كلٍّ غارق ببحر السياسه

ليش صارت كل قيَمنا الانتفاع

من نفعني لو غلط... حبيّت راسه؟!

والكريم اللي على عالي الرفاع

ما له قيمه دام ما يبدي الشراسه

صارت القيمه هبوطٍ وإرتفاع

هذا "حوت" ونافسه "كلب الحراسه"

يا قلم نحتاج لو لمعة شعاع

يوم ضيّعنا بظلام الليل طاسه

يا قلم يا خط يا حبر اليراع

وين من يملك بنظراته فراسه؟

وين من يشرح لنا عن شي ضاع

وإن فهَم هذي العلل يكتب "دراسه"؟!

* كاتب الاجتماع الراحل/ د. خلدون النقيب.