باستخدام مجهر (ميكروسكوب)، وبعض أدوات النحت وأقلام الرصاص، يبدع فنان مصري شاب تماثيل فرعونية مميزة على السنون الصغيرة للأقلام الرصاص.فبعد أن استوحى هذه النوعية من الفن من فنان تايواني شاهد أعماله على الإنترنت، قرر إبراهيم بلال (28 عاما) هذه الوسيلة، لتسليط الضوء على التاريخ المصري القديم بأسلوب فريد.
وقال الفنان إبراهيم بلال لتلفزيون «رويترز»: «أنا بدأت نحت من 3 سنين، لما شفت منحوتة لفنان تايواني على سن قلم رصاص فعجبني جداً الموضوع وجذبني، وقلت لازم أجربه. فبدأت أحاول محاولات كتيرة جدا فاشلة في الأول لحد ما تمكنت من عمل أول منحوتة، ودا أعطاني ثقة إن أنا أكمل فيما بعد، وأبدأ أركز مع الموضوع أكثر. بدأت أنشر شغلي على السوشيال ميديا فلقيت الناس مبسوطة باللي أنا بأعمله. بس طبعا كانت الأفكار ضعيفة شوية، لقيت إن هو الفن عبارة عن فكرة، فلازم أكون بأناقش بشغلي ده فكرة معينة أو فيه رسالة حابب أوصلها».وأضاف «لقيت إنه مفيش أفضل من الآثار المصرية لتجسيدها إن أنا أعيد إحياءها عن طريق النوع ده من النحت. طبعا لما بدأت أنشر الشغل الفرعوني لقيت رد فعل مش طبيعي على الشغل. فده خلاني (جعلني) أمسك في الموضوع أكثر وأثبت، وأبدأ أنمي الموضوع، وأطور من نفسي أكثر علشان الجودة تعلى، وفي نفس الوقت نكون على قدم المساواة مع فنانين أجانب هم امتهنوا الموضوع وهم اللي مسيطرين على الفن ده في العالم كله».ويسّوق الفنان، خريج كلية الحقوق، أعماله الفنية على منصات وسائل التواصل، ويدير قناة تعليمية على الت»يوتيوب» يعرض من خلالها تقنياته.ويعتزم بلال تنظيم معرض قريبا، ليتسنى له بيع 22 عملا فنيا أبدعها على سنون الأقلام الرصاص.
توابل - ثقافات
فنان مصري ينحت تماثيل فرعونية على سنون أقلام الرصاص
من أعماله
13-12-2020