الله بالنور: ترى... قوية وايد
![د. ناجي سعود الزيد](https://www.aljarida.com/uploads/authors/24_1666205156.jpg)
مشكورين، وكلفتوا حالكم، وما قصرتوا، والله يعطيكم العافية...أشوا يا معوَدْ، العالم كلّه كان ينتظر هذا التصريح من وزارة الصحة الكويتية علشان يبتدون باستخدامه! بس ما قلتولنا، من هم المتطوعون الذين جربتم عليهم اللقاح؟ وما أعمارهم؟ وكم عدد الذكور نسبة للإناث؟ولّا بس "لقافة"؟!العقار أجيز في بريطانيا وأميركا وكندا، وتمت إجازته، لأن هذه الدول شاركت في التجارب، وكان لديها متطوعون تم فحصهم قبل وأثناء وبعد تجربة اللقاح، أنتو بالكويت شسويتوا علشان الناس تنطر إجازتكم لعقار التطعيم؟يعني قريتوا مثلكم مثلنا وسميتوها "مراجعة مستفيضة"، ووافقتوا عليه!على كل، سعيكم مشكور، والله يعطيكم العافية، ويا ليتكم شايلين "مراجعة مستفيضة"، لأنها "قوية... قوية... وايد"!!