كل ما ركدنا شوي يطلع لنا شيخ

دينه عجيب ومدّعي للديانه

Ad

معتوه ويزيد الجمر دوم تنفيخ

چنّه مكلَّف بالفتن واللعانه

مشبوه ويفخّخ لنا البيت تفخيخ

بيتٍ تعبنا فوق نعْلي مكانه

زرنيخ بأفكاره، وفتواه زرنيخ

سمّم عقول "الناشئه" في لسانه

في كهف عقله له "خلايا" وتفريخ

ربع الدواعش مضمرين الخيانه

ما شافوا "الجوهر حسن" صار تاريخ

لمّا الجميع إلتمّ حوله بأمانه

من حَب داره يكسب الطيب ويشيخ

وراعي الفتن ملعون دايم زمانه

وضّاح

وضّاح الكويت