درايش: الغلاء... مساس بجيب المواطن

إرفَعَوا سعر البضاعه

كل يوم وكل ساعه

حتى بفروع " التعاون"

السعر زاد ارتفاعه

هذا مس بكل جيب

والا شسمه يالحبيب!

لا حسيب ولا رقيب

أو قراراتٍ شجاعه

لا وزير يرد علينا

لا "اتحاد" يحس فينا

شاطر إن قلنا وشكينا

رد مصدرهم: إشاعه

الرقابه مو رقابه

مكتب ومقفول بابه

له مع التاجر قرابه

وإن أمر في شي... طاعه

هذا ما يمس المواطن؟!

وإلا شكله صار باطن؟!

الشعب واعي وفاطن

وبالحچي ماله قناعه

الغلا... بأردى اوصافه

صار " كالقيمه المضافه"

چان ما فيها كلافه

إعلنوها يا جماعه

وضّاح