لو جاز لي أختار من وقتي اسنين بختار لي عصرٍ بعيدٍ بوقته يمكن سنة الفين خمسه وسبعين أستشرف الأيام عما جهلته أربع سنين وفوقها زيد خمسينوانتم مثل ذكرى زمانٍ تركته أسبق زماني وحاضري برمشة العين وأشوف هل حلمي مثل ما حلمتههل الصحاري تصير دوحة بساتينهل الشوارع نظّموها بسكته؟ هل دولتي بتصير «دولة قوانين»ويبدّل القانون عجزه وصمته؟هل العداله راجحه بالموازين"سستم" أوروبي بكل شكله وسمته؟هل للحرامي حظوةٍ في الدواوينوينقال له «بالعافيه ما سرقته»؟وجيراننا اللي هددونا معادين هل هم على ما كان واللي خبرتهتبدّلت أفكارهم وأبدوا اللين وإلا بضمايرهم مع الوقت غمته؟واسأل عن اللي كان ثنينه وستينشللي بقى منّه وشللي عرفته؟دستور هو تنظيم والا ورق تينفوق الجسد ياللي كتبت وسترته؟أخلط زماني وأجهل أقدارنا وينوچِني بحلمٍ بس بيدي رسمتهوعِدْت لسنة ألفين واحد وعشرينأسمع صراخ الناس بس ما فهمته!
أخر كلام
درايش: سيولة الأزمان ( إلى سنة 2075)
28-04-2021