درايش: السكني صار استثماري!!

دون قانون وحزم كل شي يصير

تنبت الأطماع في وضح النهار

يزحف "استثمار" في بيت القصير

وينتشر ويعِم كل قطعه ودار

ترتفع "أدوار" مبناها حقير

كل هذا من أجل قبْض الإيجار!

كم شقق بالدور؟! زحمه للأخير

وما احْشموا بأطماعهم في يوم جار

لا تلوم اللي طمَع ماله ضمير

لُوم ذاك سمَح له بالدمار

من عقب هذا... "السكن" سعره يطير

شي طبيعي إن غلا سعره وطار!

في قرارات السياسه... قلنا غير

بس هذا وش يبي له من قرار!!

چان لا مجلس حكومه أو وزير

منهو ينقذنا يعدّل هالمسار؟!

وضّاح