درايش: قبل البدايات

من قبل ما تنزل وتارد على البير

عِد الرجال اللي معك يسندونك

إن كان صفّوا دون روحك طوابير

دِش الجموع وردّها في متونك

ولا انْقَلْبت النيّات يوم اللقا غير

اعلم ترى خابت مساعي ظنونك

ساعات يبدي لك رفيجك تياسير

لكن على وقت الشدايد يخونك

واحذر من اللي يوعدونك "على خير"

وإن حان ميعاد الوعد يخذلونك

لا خير في من ماخذ الوقت تقزير

في صحبتك، والوقت فيك وبدونك

صدرك خضار وخافقك ملعب الطير

وفي طيبتك تجمع وفاك وجنونك

لاشك طبع وما تفيد المحاذير

الله - مع بيض النوايا- يصونك

وضّاح