درايش: شنو ثمن الانفراجة؟!

1 - عشرين نائب يرفعون الإشاره

والراية البيضا تعم الميادين

ينضاف للي قبلهم بالصداره

هذا العدد، ويرجّحون الموازين

2 - وچم اسم منهم يدخلون الوزاره

اخصم "ثلاث أصوات" شللّي بقى الحين؟!

إللّي بقى عندك وثابت مساره

اثنين... لا يمكن يصفّون صَفّين

3 - وفي شرط لازم تسدلون الستاره

ما نقبل "استجواب" مطلوب "تحصين"

4 - وإذا تبون الحال يمشي قطاره

صيروا بمجلسكم بلا صوت هادين

5 - ما يوم نسمح بانتقاد الإداره

النقد مثل الرجس بيد الشياطين

***

هذا "الثمن" في ربح وإلّا خساره؟

اقرا الدفاتر وانتبه للمضامين

چان "الثمن" غالي ولا به بشاره

تركّدوا ياللي على الدرب ماشين

وكلٍّ ورايه في الحياة وخَياره

من يحمل الشِدّه ومن يتبع اللين!

وضّاح