درايش: عشر سنين... حكومة بلا معارضة!

بعد هذي السنين اللي بلا أي معترض في الدار

هدوووء ومجلس مهادن... شنو الإنجاز في الديره؟!

عذر أن المعارض كان في حلچك مثل ميدار

كسرته وانثلم سنّه وقلت بغيبته خِيره

وفتحت الچيس مو باقي ولا واحد من الأعذار

مثل من يدخل "الصاله" ولا يدري بتبذيره!

حصى مطبوخ في جدرك تأمِّلنا ويفوح أمرار

وتواعد في رجا باچر مواطن طال تخديره

دواير ضايقه فينا ونشهق والنفَس محتار

وكل شي انتهى فينا وأحسنتم بتدميره

ومن يوم السما ضاقت وضيّقتوا على الأحرار

فلا شفنا أبد إنجاز أو مشروع في الديره

وضّاح