إللي اسبحوا في معتمات المشاوير

تالي انتهوا في بحرهم وسْط "قرقور"!

Ad

هذا جزا اللي ما يشاور ولا يشير

ما صاب في رايه ولا سامع الشور

من حولهم بالأمس صفّت جماهير

واليوم ما ردّوا على أي جمهور

محّد درى بالحال والحل شيصير

لن الشغل كله عن الناس مستور

البعض منهم منخدع بالتباشير؟

وإلّا مكلَّف بالإسم ياخذ الدور؟!

حتّى ولو بعدين بانت تياسير

لكن "تفاهمهم" على حساب دستور

واللي بدينه أختام صفّى الطوابير

"مسموح" لاسم فلان، وفلان "محظور"

بعض الكسر ما ينفعه لوح تجبير

إذا الهشاشه مْلازمه ضلع مكسور

ويا ليت كانت للجماعه محاذير

ولا خذاهم موج في غبّة بحور
وضّاح