درايش: شي عن «طمان النفس وارتفاعها»

"عيبٍ طمان النفس عقب ارتفاعه"(1)

راحت مع لغو الحچي والمسايير!

إما يكون الراي عندك قناعه

ثابت مثل "سلمى وأجا"(2) دون تغيير

وإلا خسَرْت اليوم كل البضاعه

ماضيك والحاضر وناس وجماهير

وبيت القصيد اللي انذكَر في الشجاعه

إن ما تبَعْته "بالفعل" ينقلب غير

لا تنسى إنّ "عبيد"(3) دمّه وداعه

بين الرماح وبين ضرب السواطير

ما دنّق براسه ترجّى الجماعه

ولا انهزم لا حاصروه المناعير

والحر أبغَض شي يكره سماعه:

رخو الكلام وشقْلبات التعابير

حافِظ مقامه وقيمته وامتناعه

وما صدَّر نياقه وربعه على البير!

(1) بيت مشهور للفارس عبيد العلي الرشيد

(2) جبال في حائل

(3) عبيد العلي الرشيد

وضّاح