درايش: تغريزة في الرمل الناعم

أحِس إن البلد واقِف، كسيّاره ادْخَلَت تغْريز

ولو تفْتَر توايرها تروح أكثر بتغريزه

عَمَل عاطِل، نِفَس واقف، ولا خِطّه ولا تحفيز

مَلَف مقفول والديره مسافر قاطع الفيزا

هياكل في البلد تمشي بلا قِدْرَه ولا تركيز

وشَعْب يحب عطْلاته يشوف إن العطَل ميزه

وقَفْنا في رمُل ناعم ولا شِفْنا " بنات الحِيْز"*

ولا مَرَّت ظعاينهم ولا حَنَّت لنا الحيزا

واذا كان الزمن فاير وتتوقّى بقطعة بَيْز**

تسلّى... وصَلِّح ادْلالك وبُنّك زِيد تركيزه

عَطَل دوله، وعطَل رغْبَه، وعطَل ناسٍ بلا تمييز

ف خَلّك باستراحاتك ولا تعطي لأحَد مِيزه

* جِمال من سلالة عربية أصيلة

** قطعة خام لمسك الدلّة الحارّة

وضّاح